اللازانيا باللحمة من أشهر الأطباق الإيطالية اللي صارت محبوبة بكل بيت طبقات من الباستا الرقيقة محشية بصلصة طماطم غنية ولحم مفروم متبل مع طبقة كريمية من البشاميل وجبنة ذهبية بتذوب وتقرمش بنفس الوقت وصفة مثالية تجمع بين الطعم الدسم والنكهة الغنية وتناسب العزائم أو وجبة عائلية دافئة
وقت التحضير
90
من الصعب
متوسط
Servings
4
المكونات
تعليمات
- تحضير صلصة اللحمة : بحط الزيت بطنجرة وبقلي البصل لحد ما يذبل ويصير شفاف / بضيف الثوم والجزر والكرفس وبقلب دقيقتين / بنزل اللحمة وبفردها منيح مع التحريك لحد ما يتغير لونها وتتحمر شوي / بضيف الطماطم ومعجون الطماطم وبخليهم يتسبكوا 10 دقايق / بضيف المرق السكر البهارات الزعتر والريحان بتركها على نار هادية 20–25 دقيقة لحد ما تتكثف الصلصة وتغلي ريحتها
- تحضير صلصة البشاميل : بطنجرة صغيرة بسيح الزبدة وبضيف الطحين مع التحريك المستمر دقيقتين عالنار لحتى يختفي طعم الطحين / بضيف الحليب تدريجيًا وأنا بخفق عشان ما يصير تكتلات / بخليها تغلي لحد ما تسخن / برش الملح والفلفل الأبيض ورشة جوزة الطيب وبتركها عالجانب
- تجميع اللازانيا : بصينية فرن بحط أول طبقة رفيعة من صلصة البشاميل (حتى ما تلزق شرائح اللازانيا) / برتب طبقة شرائح لازانيا / فوقها طبقة صلصة لحمة / وبعدين طبقة بشاميل / وبرش شوية جبنة موزاريلا / بعيد الخطوات لحد ما تخلص المكونات (عادة 3–4 طبقات) / آخر طبقة لازم تكون بشاميل مع كمية منيحة من الجبن (موزاريلا وبارميزان)
- الخَبز : بسخن الفرن على 180 درجة مئوية/ بدخل الصينية حوالي 40 دقيقة لحد ما تستوي اللازانيا وتتحمر من فوق / بتركها تبرد 10 دقايق قبل التقطيع عشان تمسك حالها وما تسيح
- نصائح من تجربتي : لو بتحبي اللازانيا غنية أكتر، ممكن تضيفي طبقة سبانخ أو فطر مع اللحمة
- في ناس بحبوا يخلطوا جبنة ريكوتا مع بيضة ويضيفوها بين الطبقات بتعطي قوام كريمي
- أهم نقطة : ما تستعجلي وتقطعيها وهي سخنة جدًا لازم ترتاح
- اللازانيا بتكون أطيب تاني يوم لأنه النكهات بتتداخل أكتر
- الخلاصة : اللازانيا من الأكلات اللي بتجمع كل العيلة حوالي الطاولة طعمها غني ومكوناتها متكاملة من بروتين وخضار ونشويات صحيح بتاخد وقت بتحضير الصلصات بس النتيجة فعلًا بتستاهل خصوصًا أول ما تطلعيها من الفرن وريحة الجبنة والبشاميل تعبي البيت