وصفة البرغر البيتي

09/09/2025

0

البرغر من الوجبات السريعة اللي صارت مشهورة بكل العالم بس لما تعمليه في البيت بتحسيه إشي مختلف كليًا: (صحي أكتر، أنظف، وبنفس الوقت بتتحكمي فيه زي ما بتحبي) أنا بصراحة كنت دايمًا أفكر البرغر بدو معدات خاصة أو وصفات معقدة لكن بعد ما جربته أول مرة انصدمت إنه بسيط وسهل جدًا والنتيجة؟ برغر بيتي أطيب من أي مطعم

وصفة البرغر البيتي
وقت التحضير

90

من الصعب

High

Servings

3

المكونات

تعليمات

  • تحضير خليط اللحم : بخلط اللحم المفروم مع البصل والثوم والملح والفلفل وكل التوابل بحاول ما أكثر عجن بس أخلط ليتجانس بعدين بشكل الخليط أقراص متساوية الحجم (سمكها حوالي 2 سم) بحطهم بالتلاجة نص ساعة عشان يتمسكوا وما يتفتتوا عالشوي
  • شوي البرغر : بحط مقلاة حديد أو جريل على نار عالية مع رشة زيت أول ما تسخن منيح بنزل أقراص البرغر ما بحركها كثير بخليها تتحمر 3–4 دقايق من كل جهة (حسب السمك والاستواء اللي بتحبيه) قبل ما أشيلها بدقيقة بحط شريحة جبنة فوق كل قرص بخليها تدوب
  • تحميص الخبز : بحب دايمًا أحمص خبز البرغر من الداخل على نفس المقلاة مع شوية زبدة هاي الحركة البسيطة بتخلي الخبز مقرمش من جوه وبيمسك الصوص بدون ما يتشرب
  • تجميع البرغر : بجيب الخبزة السفلية بدهنها صوص (كاتشب، مايونيز أو صوص خاص من خلط مايونيز مع خردل) بعدين بحط الخس قطعة البرغر بالجبنة شريحة طماطم بصل وخيار مخلل وبسكرها بالخبزة التانية
  • التقديم : البرغر البيتي أحلى لما يتقدم سخن مع بطاطا مقلية أو بطاطا بالفرن وكاسة عصير بارد أو صودا
  • نصائح من تجربتي: كل ما زادت نسبة الدهن باللحم كل ما طلع البرغر juicـy أكتر لو اللحم ناشف جربي تضيفي معلقة صغيرة زيت زيتون
  • إذا بتحبي البرغر فيه طابع مدخن جربي تضيفي شوية فلفل أحمر مدخن (smoked paprika)
  • في مرة جربت أضيف شريحة أناناس مشوية فوق البرغر وكانت المفاجأة: الطعم غريب بس لذيذ جدًا
  • ممكن كمان تعملي ميني برغر (sliders) للعزايم أو الطلعات بيطلعوا لُطَف وأسهل للأكل
  • الخلاصة : البرغر البيتي مش بس أطيب من برغر المطاعم كمان بيوفرلك تتحكمي بالمكونات حسب ذوقك وصحتك مرة جربت أعمله للأطفال بدون بهارات حارة وطلع مثالي ومرة تانية عملته سبايسي مع صوص حار والكل طلب الإعادة يعني وصفة مرنة جدًا وما بتزهق منها